Convocáu II Premiu de Relatos Curtios Xosé Caveda y Nava

El plazu de presentación de trabayos a la segunda edición del concursu de relatos curtios Xosé Caveda y Nava convocáu pol Conceyu de Villaviciosa va ser del 20 de Setiembre al 20 d’Ochobre.

Cada participante va poder presentar una obra, escrita n’asturianu, con un llargor d’ente 3 y 12 folios, d’acordies colos requisitos qu’establecen les bases del concursu.

El tema ye llibre y les obres han ser orixinales y inédites, incluyíos medios dixitales, y non premiaes n’otros concursos.

El premiu tien una dotación económica de 1.000 euros y Mazana de Plata conmemorativa.

L’Alcalde de Villaviciosa, Alejandro Vega, destacó que, con esti premiu “consolídense nel nuestru conceyu dos concursos de relatos. ún en castellán y qu’entama dende hai yá 18 años l’Asociación Cultural “Clarín” de quintes; y esti certame de relatos curtios del conceyu n’asturianu, col nome de “Xosé Caveda y Nava”.  Hai que recordar qu’esti illustre políticu y escritor, nacíu en Villaviciosa, destacó tamién pola so obra n’asturianu, y foi amás el responsable d’espublizar el primer llibru impresu con testos n’asturianu.

Bases completes

Otros artículos en esta sección...

Compartir

Sobre el autor

Red de Bibliotecas Públicas del Pdo. de Asturias