Declaráu desiertu’l Premiu Teodoro Cuesta de Poesía n’asturianu 2013

Na mañana de güei, 20 d’avientu, tuvo llugar la xunta del Xuráu de la XXIII Edición del Premiu Teodoro Cuesta de Poesía n’asturianu, qu’axuntó nes instalaciones de la Casa de Cultura Teodoro Cuesta de Mieres del Camín a los escritores Xuan Bello, Esther Prieto, Lourdes Álvarez, Ángeles Carbajal ya Ismael Mª González Arias, actuando como presidente del xuráu Manuel Ángel Álvarez, conceyal de Cultura del Conceyu de Mieres y como secretaria Eugenia González Pérez, del serviciu de normalización llingüística desti conceyu, dambos ensin voz ni votu.

Tres de la primera ronda de delliberaciones decidieron pasar a una segunda los siguientes poemarios:

- El xardín amuralláu, presentáu baxo’l pseudónimu de John Murrell.

- Cuántica, baxo’l pseudónimu de Sá Carneiro.

- Campu d’espinos, presentáu baxo’l pseudónimu de Francisco Sales.

Tres una llarga deliberación, el xuráu decidió, por unanimidá, declarar desiertu’l Premiu, por nun algamar nengún dellos l’apoyu suficiente como pa concedese.

Dase’l casu qu’esta ye la primer vegada qu’esti premiu, quiciabes el más relevante de la poesía n’asturianu, ye declaráu desiertu, dempués de ser ganáu por destacaos autores de les lletres asturianes tal que reflexa la so relación de galardonaos:

Premiu Teodoro Cuesta de Poesía. Relación de galardonaos:

91 Berta PIÑÁN

92 Lourdes ÁLVAREZ y Alfonso VELÁZQUEZ

93 Xuan BELLO

94 Lourdes ÁLVAREZ

95 Antón GARCÍA

96 Martín LÓPEZ-VEGA y Chechu GARCÍA

97 Pablo Antón MARÍN ESTRADA

98 Esther PRIETO

99 Xuan SANTORI

00 Xabiero CAYARGA

01 Ánxel ÁLVAREZ LLANO