Llega “El Hobbit” n’asturianu

El vienres 21 de payares, a les 19:00 hores, va ser presentada la versión n’asturianu d’El Hobbit. Nel actu que va tener llugar na llibrería Cervantes d’Uviéu van tar presentes el traductor Miguel Gallego Gómez; el traductor/corrector Andrés Fernández Llorián; y el responsable gráficu y autor de la portada Carlos Argüelles Díaz.

El clásicu de J. R. R. Tolkien llega editada por Terrier y gracies al enfotu d’un grupu de fans d’esti autor con ganes d’esfrutar d’esta obra n’asturianu. Escrita dende finales de la década de los años 20 del sieglu pasáu hasta primeros de los años 30, esta obra inaugura l’universu míticu creáu por Tolkien y qu’años depués diba dar pie a los famosísimos El Señor de los Anillos y El Silmarillion.