Presentación de ‘Un vasu d’agua’ d’Ángeles Carbajal

El miércoles 17 de mayu a les 19:30 horas va presentase na Sala de Cámara del Auditoriu de La Pola, en Siero, el llibro d’Ángeles CarbajaUn vasu d’agua, premiu de poesía «Xuan María Acebal» que edita Saltadera. L’actu va ser presentáu pola poeta Marta Mori.

La poesía d’Ángeles Carbajal constrúise dende la observación y la reflexón emocionada. Asina, los poemes d’Un vasu d’agua tán escritos cola mirada, al tactu de les hores reposaes nes que’l mundu parez un paisaxe maraviyosu y al mesmu tiempu enllén del inquietante misteriu del vivir. Nuna atmósfera elexaca, la contemplación, la emoción y el pensamientu abren la puerta a la poesía. Nesa llinia, el xuráu que-y concedió a esti llibru’l XXII premiu «Xuan María Acebal» dixo que se trataba «d’una reflexón empática, na que’l tonu unitariu, intensu y coherente de la voz poética, a lo llargo de la obra, emociona al llector».

Ángeles Carbajal (Argüeyes, Siero, 1959) ye llicenciada n’ Historia del Arte pola Universidá d’Uviéu. Ye autora de los poemarios en castellán La caligrafía de la distancia (1993) y La sombra de otros días (2002), y de los libros n’asturianu En campu abiertu (2013), pol que recibió nel añu 2012 el premiu «Teodoro Cuesta» de poesía, y L’aire ente la rama (2015), col que ganare l’añu anterior el XX premiu «Xuan María Acebal», y que tamién recibió el galardón de la Tertulia Malory como «Meyor Llibru n’Asturianu» d’esi 2015.

Otros artículos en esta sección...

Compartir

Sobre el autor

Red de Bibliotecas Públicas del Pdo. de Asturias