Mañana, vienres 29 de xunetu, a les 20:00 hores, na carpa «Arcu lliterariu» del Puertu Deportivu de Gijón / Xixón, va presentase’l cuentu infantil Caricote, de Carla Menéndez Fernández. Participa amás de la autora, Esther Prieto d’Ediciones Trabe.
Ilustráu a tou color y encuadernáu en tapa, Caricote cunta la hestoria d’un perrucuspín al que nun-y gustaba nada tar cola xente. Hasta qu’un día pínchase con un escayu… y entós entama barruntar que ll’aislamientu nun ye tan bono y qu’igual la compañía nun ta de más, inclusive pa facer arrollones peles cuestes del pueblu.