Presentación del últimu poemariu de Xuan Xosé Sánchez Vicente

El llunes, día 11 de xineru, a les 19:30 hores, va presentase De les hores y les memories, poemariu últimu de Xuan Xosé Sánchez Vicente, nel Club Prensa Asturianu, nel Salón d’Actos de la Fundación CaxAstur Liberbank d’Uviéu (cai San Francisco 4; éntrase per Mendizábal 3). Participen, amás del autor, Antón García, poeta y editor y Esther Prieto, d’ediciones Trabe.

Xuan Xosé Sánchez Vicente (Xixón, 1949) ye un nome imprescindible de les lletres asturianes: poeta, narrador, dramaturgu y articulista agudu y reflexivu, la so obra, bayurosa y variada, empobina yá’l camín de los clásicos. Asina los sos poemarios Camín de señardaes (1980), Poemes de Xixón (1981), De reidores costes (1988), …Y de llastientes picos (1999) y As de corazon/es/y/es (2001).