Presentación en La Felguera de ‘Lliteratura interna’ de Solinca Turbón

El vienres 18 de payares a les 19:30 hores na Casa de Cultura Alberto Vega de La Felguera (Plaza Merediz s/n)  presentación del poemariu Lliteratura interna de Solinca Turbón. Intervienen, amás de l’autora: Xulio Arbesú, de l’Asociación Cultural Cauce, Chechu García, escritor, Esther Prieto, d’Ediciones Trabe.

Lliteratura interna ye’l primer poemariu d’una poeta nueva que trai savia fresco a la lliteratura asturiana. Variáu y distintu en temática y en formes (del poema curtiu y concisu al más llargu y narrativu) percuérrelu, por embargu, un filu que-y da unidá y un ciertu «aire de familia» con otros poemes d’autores de la Segunda Xeneración del Surdimientu, sobre manera nel usu de lo rural como «topoi» bien afechiscu pa falar de lo universal. Ye esta una poesía de calidá, novedosa, ambiciosa nes formes y clara na so sensibilidá, ensin mieu a afrontar l’usu de métriques tradicionales.

Solinca Turbón Cuesta (La Felguera –Llangréu–, 1981), llicenciada en Sicoloxía y máster en Xestión Integrada de la Empresa, foi a ganar con esta obra’l Certame de Poesía «Nené Losada Rico» na convocatoria del 2014, y con ella vien a anovar les paraes agües de la poesía asturiana, en xeneral, y la escrita por muyeres, en particular.

Otros artículos en esta sección...

Compartir

Sobre el autor

Red de Bibliotecas Públicas del Pdo. de Asturias