El Taller de les Histories, en Infiestu

AsturtOOns Editorial pon en marcha esti prósimu martes, 27, y el miércoles, 28, EL TALLER DE LES HISTORIES, una actividá qu’entama la AMPA del Colexu Públicu de L’Infiestu y nel que participarán neños del conceyu piloñés. Nel taller trabayaránse téuniques coles que los participantes podrán, de forma coleutiva, dir desarrollando l’argumentu d’una historia. Tamién se deprenderán dalgunos detalles sobre’l trabayu d’ilustración d’un llibru.

El taller impartirálu l’escritor y ilustrador piloñés, Enrique Carballeira.

Como cierre de l’actividá, el miércoles, a les seis de la tarde, y na mesma Casa de Cultura, la editorial asturtOOns, presentará tres de los sos últimos titulos espublizaos n’asturianu:

·L’Arcu la Vieya, de Cristina Muñiz

·El lladrón de galletes, de Amparo Elena Sarrión y Jorge Fernández

·Diariu de Nelo, d’Enrique Carballeira

Los tres títulos espublícense col sofitu de la Conseyería de Cultura del Principáu d’Asturies