Presentación de ‘Cronica de la lluz y la solombra’ en Tuña
A Ediciones Saltadera présta-y convidate a la presentación de la nueva novela d’Antón García, Crónica de la lluz y la solombra, na que fai’l relatu del crime de La Zorera: un asesinatu al pie de la Fana Xinestaza, en 1897, que terminó col acusáu nel patíbulu de la plaza Las Campas de Tinéu, morriendo a garrote vil a manes del verdugu Mayoral. Una de les últimes execuciones públiques n’España.
Vanessa Gutiérrez va presentar la novela en Tuña, nel Centru Social, el xueves 7 de mayu de 2015, a les 19 hores, dientro de los actos de la Selmana de les Lletres Asturianes. La obra ganó’l premiu «Xosefa Xovellanos» de novela.
