‘Yumper’, de Milio’l del Nido, nel Niemeyer
L’escritor Milio’l del Nido presenta’l xueves día 13, a les 19.30 hores, el llibru infantil Yumper. Editáu por Pintar-Pintar en versión n’asturianu y en castellano, con ilustraciones de Carmen Saldaña, va ser presentáu nel Centru Niemeyer d’Avilés por Víctor Vázquez, biólogu y miembru de RIDEA, y el médicu Javier González, que, xunto a Ángela Sánchez, responsable de la editorial, van acompañar al autor y a la ilustradora.
Yumper ye un llibru pa los amantes de los animales, especialmente pa los que tienen la suerte de compartir la vida con dalgún d’ellos, quiciás un perru, y, sobre too, pa los que saben el sitiu que dexen cuando yá nun tán. Yumper ye tamién una asociación nacida en 2010 n’Asturies que premia tolos años a aquelles persones o instituciones que destacaren polos sos valores humanos.
