Ismael G. Arias presenta en Mieres ‘Faciendo tiempu n’Ítaca (16 cuentos y un aquel)’
El xueves 13 de payares, a les 19.30 hores, l’escritor Ismael María González Arias presenta na llibrería La Pilarica de Mieres del Camín el volume de relatos tituláu Faciendo tiempu n’Ítaca (16 cuentos y un aquel).
Editada por Trabe, esta antoloxía percuerre cuarenta años de producción lliteraria na que s’alvierte cómo cambia la forma d’escribir, n’especial nuna llingua que nos años setenta tenía bien poques referencies en prosa.
Ismael María González Arias (Uviéu, 1958), xestor cultural y productor musical, escribiera’l so primer relatu largu bien d’años más tarde, El cuartu negociu, qu’obtuviera’l Premiu Xosefa Xovellanos en 1992. El mesmu premiu que trece años más tarde algamara con En busca de Xovellanos.
Dellos de los cuentos que recueye nesta última obra taben esperdigaos en distintes publicaciones, anque buena parte d’ellos inda taben inéditos.
