Javier Marinas presenta ‘Homes’ n’Avilés
La obra Homes, últimu Premiu Alfonso Iglesias de cómic, de la que ye autor Javier Antonio Marinas y que publica la editorial Trabe, va ser presentada esti xueves 5 de setiembre a les 20 hores nel Centru de Cultura d’Avilés, nun actu organizáu pol Club La Nueva España.
Esta ye la obra más recién del hoi prestixosu dibuxante, diseñador y guionista de cómics, Javier Antonio Marinas; historietista de formación autodidacta, que debutaba como dibuxante a finales de los años ochenta na revista Tapón, y que nestos años fue colaborando en publicaciones como El Gomeru, El Llapiceru, Sauco o Orbayando.
Esta ye la obra más recién del hoi prestixosu dibuxante, diseñador y guionista de cómics, Javier Antonio Marinas; historietista de formación autodidacta, que debutaba como dibuxante a finales de los años ochenta na revista Tapón, y que nestos años fue colaborando en publicaciones como El Gomeru, El Llapiceru, Sauco o Orbayando.
Tien tamién dellos galardones, como l’Urriellu d’Ilustración, que, convocáu pol Principáu d’Asturies, consigue en 1991 y 1992, o’l de la Universidá Popular de Castuera (Badajoz) en 1995. Ye tamién autor de la obra Ballenes; de los debuxos de la Hestoria de la monarquía Asturiana, publicada por La Nueva España; lo mesmo que de la novela gráfica Domno, que tien como protagonista a Gonzalo Peláez; asina como de la historieta sobre l’Adelantáu de La Florida, Pedro Menéndez d’Avilés, con guión del periodista y escritor avilesín José Martínez.
L’actu organizáu esti xueves pol Club La Nueva España nel Centru de Cultura d’Avilés tien como oxetu la presentación de la última obra de Marinas que lleva por títulu Homes, y que-y valió hai unos meses el Premiu Alfonso Iglesias de cómic, siendo reconocida pol xuráu pol so “valor didácticu que destaca pol tratamientu dixital de les imáxenes”.
(3 de septiembre de 2013)
