Presentación de ‘Lenteyes verdes na parede’, nuevu albúm ilustráu infantil de Aida Falcón
El próximu xueves 27 de setiembre, a les 19 hores, la Casa de Cultura de Nava acoyerá la presentación del llibru “Llenteyes verdes na parede” (Pintar-Pintar Editorial), cola presencia de la so autora, Aida Falcón Montes, la Conceyal de Educación, Cultura y Empleo María José Rey Canteli y Ángela Sánchez Vallina, editora de Pintar-Pintar. L’actu contará cola introducción y presentación de la periodista y presentadora de la TPA Sonia Fidalgo.
«Les muyeres de la mio familia heredamos dende va dos sieglos una costume bien peculiar. Conservamos los golores, sabores, soníos y paisaxes que más nos gusten y más nos llamen l’atención a lo llargo de les nueses vides.»
Lenteyes verdes na parede ye un viaxe al traviés de los sentíos polos sabores, los colores, los soníos y los golores que nos acompañen desque nacemos, pero tamién ye un homenaxe al actu d’escribir porque a partir d’eses esperiencies sensitives constrúyense infinidá d’hestories.
(17 de septiembre de 2012)
