Preséntase ‘Xovellanos, un paisanu melgueru’
El próximu vienres, 24 de febrero, a les 19h. nel Antiguu Institutu Xovellanos de Xixón, va presentase l’orixinal álbum illustráu Xovellanos, un paisanu melgueru. Editáu por Pintar-Pintar, con testu de la escritora xixonesa Carla Menéndez Fernández e ilustraciones de Irene Fenollar Robles. Na presentación Carla Menéndez tará acompañá per Xosé Nel Riesgo, Dtor. de la Fundación Municipal de Cultura de Xixón y Ángela Sánchez, de Pintar-Pintar Editorial.
Ta acabante de celebrase, en 2011, el bicentenariu de la muerte de Melchor Gaspar de Jovellanos y esti llibru ye un buen material pa que neños y neñes puean conocer esti personaxe “ilustrado”, p’averase tamién al Xovellanos guaḥe. En forma de poema, l’autora fae un repasu pela vida de Xovellanos pente medies tanto los fechos históricos, como de los detalles menos conocíos, como la rellación colos miembros de la so familia y la so vida de neñu.
Rescampla amás nesti álbum les ilustraciones de l’artista Irene Fenollar qu’utiliza pa cuntar esta historia una técnica mista de figures de plastilina y animación por ordenador que resulta mui guapa y orixinal.
Pintar-Pintar ofrez na so web un videoboook sobre la obra, video-entrevistas con les autores y descargues de les primeres páxines. Puen consultase dende aquí.
