Xixón convoca les Xustes Lliteraries 2014

La Fundación Municipal de Cultura, Educación y Universidá Popular de Xixón tán acabantes de convocar la XIV edición de les Xustes Lliteraries col envís d’estimular la creación lliteraria ente la ciudadanía y de dar a conocer los trabayos d’escritores aficionaos y aficionaes. El plazu de presentación de los orixinales va tar abiertu hasta’l 3 de payares.

Bases de les Xustes Llitearies 2014:

• Van poder participar toos aquellos autores aficionaos y aficionaes mayores de 14 años, con  trabayos orixinales o inéditos non premiaos con anterioridá nesti u otros concursos.

• Anque nun s’escluye la so participación nel concursu, los ganadores de les dos pasaes ediciones (2012 y 2013) nun van poder optar a premiu.

• Afítense les modalidaes que vienen darréu:

-        Poesía haiku

-        Microrrelatu

• Los haikus tendrán de respetar la métrica tradicional del xéneru, debiendo tar formaos por  diecisiete sílabes, espardíes en tres versos de cinco, siete y cinco sílabes, ensin rima nin títulu. Cada trabayu tien de contener un mínimu de cinco haikus y un máximu d’ocho, pudiendo cada autor/a presentar un máximu de dos obres.

• Los microrrelatos van tener una estensión d’ente 100 y 200 pallabres, pudiendo cada autor  presentar un máximu de dos obres.

• La temática pa dambes modalidaes va ser llibre y serán válides les obres escrites en castellán y n’asturianu.

• Les obres van presentase en tamañu DIN A-4, mecanografiaes a una cara, con lletra Arial, tamañu 12.

• Los trabayos entregaránse en papel, por duplicáu, too ello nun sobre zarráu ensin identificación alguna del autor, escribiendo nel esterior «Xustes Lliteraries 2014» y un títulu o lema. Dientro del mesmu, incluyiráse otru sobre zarráu colos mesmos datos a los enantes señalaos pal sobre esterior y, nel so interior, el nome y apellios del autor, fotocopia del DNI o pasaporte, señes completes, teléfonu de contactu y corréu electrónicu.

• Les obres entregaránse en manu o per corréu postal na direición que vien darréu:

Centru Municipal Integráu L‘Arena

C/ Canga Argüelles, 16-18. 33202 Xixón (Asturies)

• El plazu de presentación de les obres va ser del 10 d’ochobre al 3 de payares de 2014

• L’incumplimientu de los requisitos mentaos enantes supón la non aceutación de les obres.

• Escoyeráse un/a ganador/a por modalidá. Coles mesmes afítase la estaya de “xóvenes talentos”, na que, ente los/as autores/as participantes con edaes ente los 14 y los 18 años, designaráse un/a ganador/a en caúna de les dos modalidaes.

• El xuráu calificador será designáu pola organización.

• El fallu del xuráu daráse a conocer nun actu públicu que va tener llugar nel Centru Municipal  Integráu L‘Arena y que será anunciáu a tiempu.

• La Fundación Municipal de Cultura, Educación y Universidá Popular nun devolverá nengún de los orixinales, reservando’l drechu de la so publicación per cualesquier mediu si lo camienta afayadizo.

• La participación nestes Xustes Lliteraries supón la total aceutación d’estes bases.