10 años de L’Arribada: Presentación del llibru ‘Una esperanza en el vacío’

Dientro del eventu 10 años de L’Arribada el vienres 27 de payares a les 20:00 hores nel salón d’ actos del Muséu del Ferrocarril d’Asturies (Xixón) presentase el llibru Un esperanza en el vacío de Miguel López Garcia que cuenta con pintura y diseñu de cubierta realizaos por Edgar Plans y editólu Carmen Casal Comunicación y Ediciones. Novela última d’esti escritor, que yá presentara enantes en L’Arribada otres dos obres, Sucedió aquí en 2011 y Cuando la bruma se desvanece en 2013.

Nel actu van intervenir, amás del autor, l’alcalde de Castropol José Ángel Pérez García, el pintor Edgar Plans, l’escritor Miguel Mingotes y la editora Carmen Casal. La coordinación d’esta actividá ta al cargu del escritor y xestor cultural Humberto Gonzali. Esti actu cuenta cola collaboración del Muséu del Ferrocarril d’Asturies y el sofitu del Ayuntamientu de Xixón.

Una nueche d’insomniu da pasu al comienzu d’esta novela de gran ritmu, que’l so argumentu va ente la pantasía infantil y la más cruel de les realidaes del mundu actual. El rellatu, midíu perfechamente, conduz a Luis, el protagonista, a un perfondu abismu esistencial, de la man de la so nietina. L’autor xuega en tou momentu col tiempu narrativu, amosando les consecuencies de cada ún de los fechos vivíos pol personaxe central.

Miguel López García (Barres, 1954) tien ganao los premios Dulce Chacón de Novela Corta 2010 y Zayas de Novela Corta 2012, siendo finalista del Premio de novela corta Ciudad de Noega 2008, del Premio de Novela Ciudad de Almería 2012, y del Premio Concejo de Siero de Novela Corta 2012.