Presentación de ‘Tres tigres per un trigal’ de Francisco Álvarez Velasco

El xueves, 19 d’abril, a les 19:00 hores va tar na llibrería La Buena Letra de Xixón l’autor Francisco Álvarez Velasco pa presentar el so nuevu llibru Trés tigres per un trigal. Acompañen al autor la ilustradora del llibru, Josefina Junco y Aurelio González Ovies como presentador

Esta hestoria nació d’un traballingües y d’un xuegu infantil colos brotos d’amapoles. Tres tigres allegres xueguen nun trigal. Al escurecer abellugen nun cabañu y vuélvense gatos. Pente’l trigal, a la lluz de la lluna, un coru de grillos, sapos flauteros, calandres, raitanes… Pero, ¡ai!, el día que vieno’l nublón…  De toes maneres…

Los versos de Francisco Álvarez Velasco van clisar a los neños y neñes y a tolos que-yos preste la bona poesía. La pintora Josefina Junco acompáñalu con precioses ilustraciones. Poeta y pintora punxeron equí’l so meyor arte y oficiu. El llector namás que tien qu’abrir los güeyos y da-y al rabil del maxín.