Presentación de “Onde’l caos se texe y se destexe” de Xulio Viejo Fernández

Esti miércoles 27 d’abril a les 19:30 hores na Llibrería Trabe (c/Fernando Alonso, 17 Uviéu) presentación del llibru Onde’l caos se texe y se destexe de Xulio Viejo Fernández. Participen Pablo Antón Marín Estrada y Esther Prieto.

Tres de munchos años de silenciu prosísticu -que non de silenciu académicu- torna Xulio Viejo con esta xoya que ye un homenaxe a un padre que baxa de los montes de Quirós a ganar el pan pa los suyos a Ventanielles, onde naz el fíu que nesta novela exemplar y fascinante vuelve de la mano de l’alcordanza del padre a alcontrar los anicios de la so historia, que resulta ser la Historia; la que va del mundu primixeniu y ancestral al de güei.

Xulio Viejo Fernández (Uviéu, 1968) ye doctor en Filoloxía Románica, profesor de la Universidá d’Uviéu y estudiosu de la llingua y la lliteraturaasturianes. Venti son los años que lleva ensin publicar narrativa desque s’editara nel 2001 la guapa y particular Los araxales de la vida, novela na que yá nos introduxera nos paixases de Quirós, Ventanielles y Uviéu, que vienen a ser los paisaxes del ser humanu. Antes d’esta obra yá se presentara como creador orixinal con Na llende del condicional perfeutu (1990) y Les falcatrúes del demoniu (1992). Ye responsable amás, del volume Relatos asturianos medievales del sieglu XII (2003), qu’inclúi siete testos traducíos del llatín. Como poeta foi a ganar el Premiu «Xuan María Acebal» nel añu 1996 con Les etimoloxíes del silenciu.