Carne de Melandru

Carne de melandru

Milio Rodríguez Cueto

V Premiu de Lliteratura Infantil y Xuvenil «Mª Josefa Canellada »

VTP Editorial

60 páxs.

///

La novela más reciente de Milio Rodríguez Cueto ye un relatu ambientáu na posguerra española. El protagonista, un rapacín fíu d’un presu republicanu, descubre, en dos díes, el valor de la vida, la sinrazón de la muerte, la cobardía y la traición. Acompañen el testu ilustraciones d’Alberto Álvarez Peña. Una novela de gran profundidá narrativa y bien resuelta, que recupera la memoria histórica d’una manera adecuada a la edá a la que va dirixida y abre caminos nuevos na lliteratura xuvenil n’asturianu.

Profesor de Llingua Española y Lliteratura, Milio Rodriguez ye autor de noveles, relatos y ensayos. Ganó varios premios lliterarios como’l Fuertes Acevedo d’ensayu (en 1992 y 1999), el Premiu Edebé de Lliteratura xuvenil (en 1999),  o’l Xuan María Acebal de Poesía. Traduxo al asturianu autores universales como Shakespeare, Stevenson, Oscar Wilde o Sade. Nel campu de la lliteratura xuvenil, aparte de les traducciones pa la revista Lleo-Lleo, tien publicaos dellos llibros en castellanu, como Laura contra el tiempo, Mimí al volante o La Piedra de la culebra. Tien fecho artículos d’opinión nel semanariu Les Noticies y nel diariu La Nueva España, y ahora puen seguise nel so blog Escureceres.