Celebración del Día de les Lletres Asturianes

El vienres 8 de mayu, Día de les Lletres Asturianes, l’Academia de la Llingua Asturiana va reconocer el trabayu fechu pola Xunta pola Defensa de la Llingua, organización asturiana que lleva trenta años reclamando la oficialidá del asturianu y promoviendo’l so usu y enseñanza.

L’actu de l’Academia va facese a les 20.30hores nel Teatru Campoamor d’Uviéu. Sonia Avellaneda y Próspero Morán van ser los sos presentadores y va cuntase cola actuación de la gaitera Andrea Joglar y el grupu Xuacu Amieva Folk. La presidenta de la institución, Ana Cano, va pronunciar el so discursu anual.

El 8 de mayu, a los compradores d’obres n’asturianu o gallego-asturianu van regala-yos en 56 llibreríes de la rexón la obra Blimes nueves, bringas novas, editada pol Gobiernu del Principáu, que recopila los cuentos y dibuxos ganadores del XX Certame de Creación Artística/Lliteraria pa Centros Educativos.

Pela so parte, la llibrería uviedina Cervantes va cuntar a partir de les 18:00hores cola presencia de trés autores de la tierra: Miguel Rojo, Consuelo Vega y Ángeles Carbajal, que van lleer un fragmentu de les sos obres L’amor suicida, Más espeso que l’agua y En campu abiertu, respectivamente. La música asturiana en directo va amenizar tola xornada. Nun van faltar los puestos fuera pa la venta de llibros.