Concursos de Creación lliteraria Antón de Marirreguera

L’Ayuntamientu de Carreño, en collaboración cola Direición Xeneral de Planificación Llingüística y Normalización, l’Academia de la Llingua Asturiana (ALLA), l’Asociación d’Escritores d’Asturies y l’Asociación de Llibreríes del Principáu d’Asturies, entama un proyectu alredor de la figura d’Antón de Marirreguera coles mires de la puesta en valor de la poesía y la llingua asturiana al traviés del poeta, autor de la primer obra na nuesa llingua. Les actividaes del primer programa cultural Antón de Marirreguera se van desendolcar ente’l 11 de xineru y el 29 d’abril de 2018 https://antondemarirreguera.es

En el apartau de Creación lliteraria, col envís de fomentar la creación lliteraria n’asturianu, el programa cultural conseña dos actuaciones:

- Premiu de Poesía “Antón de Marirreguera” pa xente mozo.Cada añu convocaráse un concursu de poesía en llingua asturiana empobináu a escritores d’hasta 35 años col envís de dar puxu a la creación poética n’asturianu ente los/es mozos/ces y posibilita-yos la espublización de la so obra. Bases

- Concursu escolar “Dichos y creatures d’Anton de Marirreguera”. Cada añu convocaráse un concursu empobináu al públicu escolar que premiará trabayos sobre un tema determináu fechos por escolinos/es de toa Asturies col envís de fomentar l’apreciu pola cultura popular asturiana, nes sos distintes manifestaciones, ente la población infantil d’Asturies. Nesta primer edición el tema del concursu sedrá la tradición oral asturiana. Bases

Pa cualquier información sobre estos dos concursos, empobinase a: premios@antondemarirreguera.es

(1 de marzu de 2018)