Presentación de ‘El llibru póstumu’ de Raquel F. Menéndez

El vienres 9 de xunu na Sala Borron  (C/ Juan Benito Arguëlles, 3, Uviéu) a las 19:00 hores va presentase El llibru póstumu de Sherezade, de Raquel F. Menéndez. L’actu va consistir na llectura poética pola autora y música en directo d’Andrea Joglar.

¿Cómo reformular la esperiencia de la tierra y del cuerpu frente a la falta? ¿Cómo facer un rellatu familiar cuando paez que ta condenáu a ser póstumu? Los poemes d’El llibru póstumu de Sherezade fáense estes entruges mentes traten de reconstruyir la identidá al traviés de la escritura.

Raquel F. Menéndez (Vallouta, Salas, 1993) ye graduada en Llingua Española y la so Lliteratura pola Universidá d’Uviéu. Cola so obra en castellanu ganó nel añu 2013 el III Concursu Lliterariu de la universidá asturiana col llibru Libélula (2013) y participa nes antoloxíes Siete mundos (2015) y Poesía, alma del mundo (2014). Los sos poemes n’asturianu tán espublizaos en revistes como Formientu y Lliteratura. Nel añu 2016 ganó’l Premiu Nené Losada Rico con El llibru póstumu de Sherezade.