Presentación de ‘La tierra y el cielu’ de Pablo Antón Marín Estrada

Presentación de  La tierra y el cielu/La tierra y el cielo de Pablo Antón Marín Estrada, publicáu n’edición billingüe asturianu-castellanu por Impronta, na llibrería La Buena Letra de Xixón, el miércoles 31 de xineru, a les 20.00 h. Presenta el profesor y escritor Luis Arias Argüelles Meres.

La tierra y el cielu, un llibru de madurez cierta, que se publica n’edición billingüe, con traducción al castellanu del propiu autor, afonda nuna insobornable propuesta lliteraria, ayena a tou engolamientu, atenta namás a les voces de la memoria y al llatíu del corazón humanu.

Pablo Antón Marín Estrada (Sama, Llangréu, 1966) poeta, narrador, periodista, traductor y lletrista musical, ye autor de dalgunos llibros fundamentales de la lliteratura asturiana, nesti y en cualquier tiempu, como Otra edá (2000), Animal estrañu (2010), Despidida (2011), Un palaciu enllenu ortigues (2014) o Fábules humanes (2015).