Programa de la Feria del Llibru y Discu n’asturianu (Avilés, 2-5 de mayu)

Ente’l 2 y el 5 de mayu l’Antigua Pescadería Municipal d’Avilés (plaza de Santiago López, n. 1) va acoyer la Feria del Llibru y Discu n’asturianu, con presentaciones de llibros, actuaciones musicales, sesiones de cuentacuentos, alcuentros lliterarios…

Una actividá enmarcá dientro’l programa de la 34 Selmana de les Lletres Asturianes, organizada pola Conseyería d’Educación, Cultura y Deporte, cola collaboración nesti eventu del Ayuntamientu d’Avilés y de la Asociación de Llibreríes del Principáu d’Asturies.

Los llibros y discos n’asturianu que se viendan na feria van tener un descuentu del 10% al respective del so preciu orixinal, y con cada compra s’apurrirá de baldre un exemplar del llibru conmemorativo de la Selmana de les Lletres: El ríu y la memoria, antoloxía poética de Nené Losada, autora homenaxeada nesta edición.

Tarán espuestos a la manera d’una gran llibrería, con caxa única, xestioná poles trés llibreríes avilesines anfitriones: la llibrería Casona, la llibrería Balmes y la llibrería Noveno Arte.

PROGRAMA

Xueves, 2 de mayu

13:oo – Inauguración de la Feria. Presentación de la edición conmemorativa El ríu y la memoria, antoloxía poética de Nené Losada, al cargu de Taresa Lorences.

19:3o – Presentación de llibros de la editorial Asturtoons:

• El día de los charcos, d’Enrique Carballeira.
• Mio ma ye un dragón coloráu, de Xavier Frías Conde.
• Nel, el coríu que nun sabía nalar, d’Inaciu Galán.

Vienres, 3 de mayu

19:oo – Presentación del llibru Carne de melandru,

de Milio Rodriguez Cueto (Vtp Editorial).

2o:oo – Presentación del llibru La Chelita. El Salvador, 1992, novela gráfica de Ruma Barbero editada por Tierra Llibros.

Sábadu, 4 de mayu

12:oo – Sesión de cuentacuentos.

13:3o – Presentación del llibru Un corte de pelo, selección de poemes de Raymond Carver cola traducción de Pablo Texón (Suburbia Ediciones).

18:oo – Presentación del númberu 11 de la revista de lliteratura moza Formientu.

19:oo  –  Presentación del llibru Aramar en el bosque de las letras / Aramar nel bosque das lletras, de Silvia Méjica (Ojo x hoja Editora).

2o:oo – Alcuentru Muyeres y lletres. Con Sofía Castañón y Vanessa Gutiérrez.

Domingu, 5 de mayu

12:oo – Sesión de cuentacuentos.

12:3o a 14:3o – Xuegos tradicionales infantiles,  col Grupu de Deporte Rural «6 Conceyos».

12:3o – Actuación d’Anabel Santiago, n’homenaxe a la escritora Nené Losada Rico.

13:3o – Presentación de POITIER (Soporte de gaita). Inventu revolucionariu nel mundu de la gaita, de Pablo Carrera.

17:oo – Presentación del Mapa lliterariu asturianu.

18:oo – Presentación del llibru Refraneru temáticu asturianu, de Xandru Martino Ruz (editorial Picu Urriellu).

18:3o – Presentación del llibru Cuentos colloraos de la tradición oral asturiana, d’Alberto Álvarez Peña (editorial Picu Urriellu).

HORARIOS

De XUEVES 2 a SÁBADU 4 de mayu:

de 11:oo a 14:oo; y de 17:oo a 21:oo hores.

DOMINGU 5: 

de 11:oo a 19:oo hores.

Accesu llibre

(30 d’abril de 2013)