Convocáu’l I Concursu de Relatos Curtios ‘Conceyu Candamu’

La Conceyalía de Cultura del Conceyu de Candamu acaba de convocar el primer concursu de rellatos curtios colos oxetivos de fomentar la creatividá y la espresión lliteraria pa contribuir a desarrollar el conteníu cultural de la sociedá y esparder, consolidar, enriquecer y da-y prestixu a la nuestra llingua y a la cultura asturiana. El plazu de presentación de los orixinales va tar abiertu hasta’l 12 de febreru del 2016.

Bases:

Descripción

Nel I Concursu de Relatos Curtios establécense 2 categorías:

Adultos. Van poder participar tolas personas mayores de 16 años, presentando una obra namái, escrita n’asturianu normativu ou na variante occidental, na que Candamu s’afita.

Va premiase la obra inédita qu’a xuiciu del xuráu sía d’un valir lliterariu mayor. La temática yá llibre ya’l relatu ha tener una estensión de 5 fueyas como mínimu ya 20 como máximu.

Va concedese un premiu de 500 € al trabayu ganador d’esta primer categoría, tea escritu n’asturianu estándar ou na variante occidental. El xuráu va poder conceder los accésits qu’estime oportunu.

A estas gratificaciones económicas ha efectuáse-ys la retención correspondiente, en conceptu de tributos al Estáu.

Escolinos/as. Esta categoría ta dirixida a los escolinos de Llingua Asturiana hasta 16 años, au s’establez una subdivisión ente nenos hasta 12 años por un llau, onde se va conceder un premiu consistente nun llote de llibros, CD ya DVD, ya de12 a 16 por outru, estableciéndose outru premiu tamién consistente en material escolar.

Plazu presentación

Las obras han presentase por duplicáu na Casa Conceyu de Candamu (Barriu El Campu, núm 27, 33829 Grullos, Candamu) de manera presencial ou por corréu certificáu na mesma dirección, nun sobre baxo pseudónimu, qu’axunte dientro la plica na que se dean a conocer los datos reales del autor/a: nome ya apellíos, DNI ou númberu de tarxeta residencia, fecha de nacencia, dirección completa, teléfonu de contactu, dirección de corréu electrónicu. Los participantes menores d’edá han indicar tamién nome, apellíos ya DNI del sou representante/tutor llegal.

Las obras han presentase primeiro del vienres, 12 de frebeiru del 2016.

Xuráu

Los premios del Certame va fallalos, atendiendo a la sou orixinalidá, redacción ya calidá lliteraria, un xuráu formáu por escritores ou docentes de Llingua Asturiana. El sou fallu nun se va poder retrucar.

El resultáu del concursu va faese públicu’l día4 de marzu del 2016, al traviés de la web del Conceyu, momentu nel que se van dar a conocer el llugar, fecha ya hora de la entrega premios. El conceyu va comunicar el fallu a los premiaos.

Los trabayos presentaos van quedar en poder del Conceyu Candamu, que los va poder publicar se lo estima oportunu.

Los participantes nel Certame dan por bonas estas bases.