Cincoxcinco= Lourdes Álvarez | Biblioasturias
Cincoxcinco= Lourdes Álvarez

Lourdes Álvarez (La Güeria d’Urbiés, Mieres, 1961), llicenciada en Filoloxía Hispánica y Especialista en Llingua Asturiana, ye autora de los siguientes llibros de poesía: Aldabes del olvidu, Alvízoras Llibros, 1990; Mares d’añil, Casa Municipal de Cultura, Col. Teodoro Cuesta, 1992; Son del tardíu, Academia de la Llingua Asturiana, Llib. Académica, 2006; Como aquella que yeres, en Mediando les distancies, KRK, 2006. Introducción: “De la casa de los padres: la poesía de Lourdes Álvarez”, Leopoldo Sánchez Torre y P’anular los adioses, Ediciones Trea, 2018.

1. Proponga un menú lliterariu: entrada, platu principal y postre.

D’entrada: Llengua abolida. Poesia completa 1973-1998, de María-Mercè Marçal; como platu principal propongo la obra narrativa y ensayística d’Ana María Matute y de postre Follas novas, de Rosalía de Castro.

2. ¿Cuál foi l’últimu llibru que sacó n’empréstamu d’una biblioteca?

Foi ún de los trataos de Séneca, nos años universitarios, posiblemente De vita beata, pero yá nun toi mui segura.

3. ¿Qué escena lliteraria-y vien nesti momentu a la mente?

L’entamu de L’Étranger, el telegrama que-y llega a Meursault, el so protagonista.

4. ¿Namoróse de dalgún personaxe lliterariu

La biblioteca de la mio vida foi la primera que vi y contribuyí  a organizar na escuela rural a la que diba, pel añu 1969; tener más de sesenta llibros a la vista yera fascinante. Depués la de la Plaza  de Porlier

Sí, de l’Alicia de Lewis Carroll

5. Suxera una tríada de poetes.

Sylvia Plath, AlejandraPizarnik y Wislawa Szymborska.

6. ¿Cuála foi la (o les) Biblioteca de la so vida?

La primera que vi y contribuyí  a organizar na escuela rural a la que diba, pel añu 1969; tener más de sesenta llibros a la vista yera fascinante. Depués la de la Plaza  de Porlier.

7. ¿Con qué llibru espertaría l’amor a la llectura nun adolescente?

Con Alfanhuí, de Rafael Sánchez Ferlosio.

8Cite trés novelistes pa siguir por cualquier llector.

Abúltame complicao lo de “pa siguir por cualquier llector” voi tratar de resolvelo mentando a trés novelistes que me presten a mi: Virginia Wolf, Eudora Welty y Maeve Binchy.

9. Proponga una midida a favor de la difusión de la llectura.

La mio propuesta a favor de la difusión de la llectura pasaría por una inversión mayor nes biblioteques públiques pa l’actualiación de fondos y soportes, xunto con otra empobinada a los talleres de llectura y creatividá

Pasaría por una inversión mayor nes biblioteques públiques pa l’actualiación de fondos y soportes, xunto con otra empobinada a los talleres de llectura y creatividá.

10. ¿Quién son los sos compositores o músicos favoritos?

Peter Gabriel, Nina Simone, Miles Davies, Leonard Cohen, Lou Red, Zeca Afonso, Atahualpa Yupanqui, Gilberto Gil, Dina Rot, Charlie Parker, Mercedes Sosa, Quilapayún, Llan de Cubel, Tom Jobim, Chicho Sánchez Ferlosio, Estrella Morente, Janis Joplin, Anabel Santiago, Silvia Quesadada, Joan Baez, David Bowie, Silvia Pérez Cruz, Bach, Stravinsky, Devorak, ente tantos.

11. ¿Dalguna llectura marcó especialmente la so vida?

Quiciabes la  primera que fice n’alto, La Cabaña del tío Tom. Toles nueches-yos lleía  a mio pa y a mio ma un capítulu. Alcuérdome de les lletres grandes cola que entamaben; de los dibuxos; del golor del llibru… Ehí entamaba’l  gozu de lleer.

12. ¿A qué autor rescataría del escaecimientu?

Pienso en Pérez de Ayala y en Fernán Coronas.

13. De xuru que podría aconseyanos la visión de polo menos trés películes.

Ciudadano Kan, dirixida por Orson Welles; El sur, dirixida por Víctor Erice ya inspirada na novela homónima d’Adelaida García Morales; La Luna, dirixida por B. Bertolucci;

14. ¿Qué poema interpreta los sos sentimientos?

El prefacio de Luis Cernuda a Donde habite el olvido, “Como los erizos, ya sabéis, los hombres un día sintieron su frío. Y/ quisieron compartirlo. Entonces inventaron el amor. El resultado fue, / ya sabéis, como en los erizos. ¿Qué queda de las alegrías y penas del amor cuando éste desaparece?/Nada, o peor que nada; queda el recuerdo de un olvido. Y menos mal/ cuando no lo punza la sombra de aquellas espinas; de aquellas espinas, / ya sabéis./ Las siguientes páginas son el recuerdo de un olvido”.

15. ¿Cómo ve’l panorama editorial asturianu?

Paezme que cola crisis la cultura y tolo relacionao con ella resintiéronse muncho. Zarráronse delles llibreríes, imprentes, etc. Con too, cuento que les editoriales van tratando de llibrar.

16. ¿A qué sitiu salíu de la imaxinación d’un autor-y prestaría treslladase?

A la casa d’El Principín.

17. Los sos artistes más almiraos son… (referío a pintores, escultores, fotógrafos, arquitectos… etc.)

Miguel Ángel, Leonardo da Vinci, El Greco, Velázquez, Goya, Picasso, Klee, Gauguin, Van Gogh,  Navascués, Mª Jesús Rodríguez, Chillida, Gaudí, Diana Arbus, Vivian Maier, Juana Biarnés, Cristina de Middel …

18. L’últimu llibru que mercó foi…

Media Vida, de Pablo Texón y Desde el balcón del cuerpo, d’Antonella Anedda

19. ¿Pue l’e-book reemplazar el formatu clásicu?

La llectura val p’acompañar, pa completar, pa vivir d’otra manera

En pasando unes xeneraciones igual sí, pol espaciu y versatilidá. Yo, pa lleer en casa, prefiero’l formatu llibru.

20. ¿Podría dicinos cómo ordena la so biblioteca personal?

Trato d’0rdenala por xéneros: poesía, narrativa, filosofía, lliteratura infantil y xuvenil, revistes lliteraries, etc.

21. ¿Ónde quedría vivir?

Equí onde vivo.

22. ¿A qué persona viva almira?

A les persones que considero dignes.

23. Al so paecer, ¿cuála ye la meyor obra lliteraria adaptada pol cine?

Apocalypse Now, dirixida por Francis Ford Coppola, sobre El corazón de las tinieblas, de Joseph Conrad.

24. ¿Qué ta lleendo actualmente?

Siempre tengo dos o trés llectures al tiempu; agora mesmo toi con Quédate este día y esta noche conmigo, una novela de Belén Gopegui;  La tierra y el cielu, l’ultimu llibru de poesía de Pablo Antón Marín Estrada y relleo un llibru de sobre Los Sufis.

25. ¿Pa qué val la llectura?

P’acompañar, pa completar, pa vivir d’otra manera.

 

P’anular los adioses

Lourdes Álvarez

Trea

48 páxs.

Depués d’un silenciu bien llargu —nel 2006 espublizó dos llibros :Son del tardíu  y Mediando les distancies, una recopilación de la so obra poética qu’inclúi, amás, el llibru inéditu Como aquella que yeres, col que ganare per segunda vez,  nel añu 1994, el  Premiu Teodoro Cuesta— P’anular los adioses ye de xuru’l poemariu más meditáu, ellaboráu y cuidáu de la escritora turonesa, Lourdes Álvarez, quicibes la voz más singular del Surdimientu poéticu asturianu. Perfiláu nun momentu vital intensu —«A la vuelta la vida / rasga la pena llarga»—, refuga l’escesu y lo circunstancial y marca la distancia afayadiza ente’l duelu vital nel que s’enmarquen la mayor parte de los poemes —escritos nestos diez años últimos— y la capacidá d’articulalos a la fin nun conxuntu coherente y sólidu.

 

(28 marzu de 2018)

 

 

 

 

 

 

 

 

 

Otros artículos en esta sección...

Compartir

Sobre el autor

Red de Bibliotecas Públicas del Pdo. de Asturias