Convocaos los premios de novela, poesía, ensayu, lliteratura infantil/xuvenil y cómic en llingua asturiana

La Conseyería d’Educación, Cultura y Deporte del Principáu d’Asturies convoca los siguientes premios cola fin de consolidar, arriquecer y prestixar la llingua y cultura asturianes:

— «Xosefa Xovellanos» de novela n’asturianu (trixésima sesta edición), con una dotación de 3.000 euros, pa obres de tema, xéneru y estructura llibres que seyan inédites, non premiaes, y tengan una estensión mínima de setenta y cinco páxines a doble espaciu.

— «Xuan M.ª Acebal» de poesía n’asturianu (ventiava primer edición), con una dotación de 3.000 euros, pa obres de tema, xéneru y estructura llibres que seyan inédites y que tengan una estensión mínima de quinientos versos.

— «Máximo Fuertes Acevedo» d’ensayu n’asturianu (ventiava primer edición), con una dotación de 3.000 euros, pa obres de tema, xéneru y estructura llibres que seyan inédites, non premiaes,  y tengan una estensión mínima de cincuenta páxines escrites a doble espaciu.

— «María Josefa Canellada» de lliteratura infantil y xuvenil n’asturianu (octava edición), con una dotación de 3.000 euros, pa obres de lliteratura infantil o xuvenil —con independencia de que seyan noveles, compilaciones de cuentos, poemarios o obres de teatru— siempre que seyan inédites, non premiaes,  y tengan una estensión mínima de doscientos cincuenta versos pa poesía y de trenta páxines a doble espaciu pa los demás xéneros.

— «Alfonso Iglesias» de Cómic n’asturianu (sétima edición), con una dotación de 3.000 euros pa cómics inéditos, non premiaos, escritos en llingua asturiana, con una estensión mínima de cincuenta páxines. L’estilu, tratamientu y tema van ser llibres, y la obra presentada pue abarcar el desarrollu d’una historia única o un conxuntu d’histories (rellacionaes o non ente elles.Sicasí, pa participar ha presentase un proyectu inicial con una estensión mínima de quince páxines.

Les obres van presentase nel Rexistru Xeneral Central de l’Alministración del Principáu d’Asturies (Edificiu Alministrativu, c/ Coronel Aranda, s/n, planta plaza, sector central, Uviéu) hasta’l día 10 d’ochobre –inclusive– del 2015, en dos sobres zarraos onde se va escribir el nome del Premiu y va facese constar el títulu de la obra y el seudónimu del autor.

Más información nos BOPA de 30 de julio de 2015 y BOPA de 31 de julio de 2015.