Seminariu “Llingua y sociedá asturiana” nel Centru Sociocultural de Les Vegues (Corvera)

El Centru Sociocultural de Les Vegues acaba d’abrir la inscripción (dende’l llunes 29 d’ochobre) al cursu-seminariu “Llingua y sociedá asturiana”, que se desarrollará nel propiu centru del 5 de payares al 9 d’avientu, n’horariu de 18 a 20 hores.

La inscripción será gratuita y a la xente inscrito entregaráse-yos diploma acreditativu d’asistencia n’acabando’l cursu.

Organizáu pol Serviciu de Normalizacion Llingüística de Corvera, esti seminariu busca introducir a la xente inscrito na historia y socioloxía de la llingua asturiana y les sos falantes, centrándose en cuestiones históriques, sociolóxiques y socioculturales del idioma, mirando pa temes como la identidá, el poder social, los prexuicios, los derechos llingüísticos, los nuevos espacios d’usu de la llingua, la última lliteratura asturiana, etc.

Ente los conteníos a desendolcar destaquen:
a) Formación histórica de la llingua asturiana;
b) Espaciu simbólicu, material y territorial: trés variables;
c) Aproximación sociolóxica a la población asturianofalante: idioma y poder social;
d) Toponimia: orixe y importancia;
e) Ciencia n’asturianu: l’ámbitu desconocíu;
f) La llingua na rede: recursos, diversidá y posibilidaes;
g) Lliteratura escrita y oral: una puesta al día.

Pa más información:

Centru Sociocultural de Les Vegues

Dirección: Plaza de la Libertad, 1 – CP 33406 Las Vegas/Les Vegues

Tfno: 985 514 001

Horario: De lunes a viernes de 7:30 a 22:00 horas.

(29 de octubre de 2012)