Convocada una nueva edición del Premiu ‘Teodoro Cuesta’ de Poesía

El Conceyu de Mieres, pente medies de la Casa de la Cultura “Teodoro Cuesta” convoca una nueva edición del Premiu “Teodoro Cuesta” de Poesía, que llega al so vigésimo tercer edición, siendo’l premiu más relevante de la poesía n’asturianu.

Nel mesmu van poder participar toles persones que lo deseen con un poemariu inéditu, orixinal y escritu en llingua asturiana. De los poemarios entregaránse orixinal y cuatro copies. Podrá facese per corréu certificáu o entregándolo en mano en: Casa de Cultura “Teodoro Cuesta”(secretaría). Manuel Llaneza 8, 33600, Mieres. Asturies.

El plazu d’entrega tará abiertu del ente’l 1 de payares, y el 30 del mesmu mes. Los poemarios dirán ensin firma, con alcuñu o lema y figurando’l so nome y les señes en sobre zarráu. Concederáse un únicu premiu dotáu con 1.000€, contemplándose promover la so publicación, q’habitualmente bien faciendo la editorial Trabe. Pueden consultar les bases del premiu dende’l siguiente enllaz.

Premiu Teodoro Cuesta de Poesía. Relación de galardonaos:

91 Berta PIÑÁN

92 Lourdes ÁLVAREZ y Alfonso VELÁZQUEZ

93 Xuan BELLO

94 Lourdes ÁLVAREZ

95 Antón GARCÍA

96 Martín LÓPEZ-VEGA y Chechu GARCÍA

97 Pablo Antón MARÍN ESTRADA

98 Esther PRIETO

99 Xuan SANTORI

00 Xabiero CAYARGA

01 Ánxel ÁLVAREZ LLANO