Festival Arcu Atlánticu 2018. Mocedá creativo

El Festival del Arcu Atlánticu va celebrase en  Xixón del 24 al 29 de xunetu. En esta séptima edición del Arcu Atlánticu dedicada a la Mocedá Creativo. Demientres el festival van poder conocese iniciatives emprendedores y proyeutos de desarrollu col envís d’aumentar l’intercambiu d’esperiencies y l’establecimientu de víes nueves de comunicación ente entidaes, mocedá y coleutivos.

Les actividaes agrupaes en sectores de creación ya industries culturales son perinteresantes pa una xente mozo que quier ver proyeutos representativos y que respuendan a los retos del so tiempu: el llibru y la edición, el diseñu gráficu y la comunicación, la música, las teunoloxíes nueves, el diseñu, la moda y/o la imaxe, ente otros.

El Festival Arcu Atlánticu va volver a les distintes places y llugares de Cimavilla pa enllenar de vida y cultura las cais del antiguu barriu de pescadores.

Miércoles 25

17:30 a 20:30 h. Carpa Llibreríes + Asociaciones. Xardinos de la Reina. Charres y presentación de llibros. L’Asociación de Llibreríes del Principáu d’Asturies (ALPA) entama estes actividaes:

• 17:30 h. Charra sobro la historia del Premio Cálamo, entamada a comuña cola Sociedá Cultural Gesto. Van tar presentes los organizadores y dalgún de los premiaos.
• 19:00 h. Presentación del llibru La nieve de Pesicia, de Roberto González Quevedo.
• 20:00 h. Alderique sobro los Cuadernos de Poesía Heracles moderáu por Ignacio González.
• 21:00 h. Presentación del llibru Un cucuruchu d’olivines, de Vicente García Oliva.

18:00 h. Cimavilla. Plaza de la Corrada. “Llectures rebeldes: esa mocedá que llee”. Freddy Gonçalves, promotor de llectura, guionista, escritor y especialista en lliteratura infantil y xuvenil, va dar una charra sobro la importancia de conceutos como tolerancia, identidá y respetu a les opiniones de la mocedá, y va analizar les referencies de ficción lliteraria que valen pa espresar y pescanciar los intereses y problemes reales de la xente mozo.

Miércoles 25 y xueves 26

10:00 a 14:00 h. Cimavilla. Casa’l Chinu. “Susurradores nel Arcu Atlánticu”. Esti proyeutu lúdicu-formativu de la compañía vasca Ados Teatroa inclúi un cursu d’interpretación y creación y una intervención na cai. Los Susurradores son un grupu d’intervención poética qu’emplega’l boca oreya pa xenerar esperiencies de comunicación más humanes y vindica’l derechu de la poesía a apaecer de sópitu na vida. Places: 15 Inscripciones: arcoatlantico@gijon.es

Miércoles 25 a vienres 27

12:30 a 14:30 h. Cimavilla. Casa’l Chinu. “Los oficios del llibru”. Taller nel que la mocedá va descubrir les posibilidaes d’emplegu qu’ufre la industria del llibru. Con un exerciciu práuticu va crease un llibru coleutivu repasando tolos oficios qu’intervienen nel procesu: escritura, ilustración, torna, edición, producción, distribución, venta y promoción. Ponen el taller Lara Meana (llibrera, editora y escritora) y Freddy Gonçalves (promotor de llectura y escritor). Places: 25 Inscripción: arcoatlantico@gijon.es

Miércoles 25 a domingu 29

12:00 a 15:00 h. y de 17:00 a 22:00 h. Carpa Llibreríes + Asociaciones Xardinos de la Reina Entama: Asociación de Llibreríes del Principáu d’Asturies (ALPA). L’avezáu espaciu d’esposición y venta de llibros ta presente tamién esti añu nel Festival. Destaquen los llibros escritos n’asturianu, de temática asturiana y espublizaos por empreses asturianes.

17:00 a 22:00 h. Carpa Llibreríes + Asociaciones Xardinos de la Reina. II Certame de Microrrellatos Mozos “Formientu”. Los microrrellatos que se presenten al II Certame “Formientu” van poder entregase, consultase y lleese nel espaciu informativu qu’Iniciativa pol Asturianu va tener nel Festival Arcu Atlánticu. Los rellatos han tar escritos n’asturianu. Pue presentase cualesquier persona menor de 25 años y el llargor nun pue pasar de 80 caracteres.

Pa más información consultar el programa completu.