Miguel Rojo, Premiu Timón 2013 de la Asociación Cultural L’Arribada

L’escritor tinetense Miguel Rojo acaba d’algamar el VII Premiu Timón, convocáu por la Asociación Cultural L’Arribada p’autores en llingua asturiana y n’eonaviego, según alcuerdu d’un xuráu aconceyáu ayeri en Xixón y formáu por Xurde Morán, Roberto González-Quevedo, Antón García, Aurora García Rivas y Humberto Gonzali.

Pa esta edición optaron a los gallardones escritores que nacieren nel añu 1.963 o anteriormente. Entre los finalistas se encontraban nombres como Xosé Bolado, Milio Rodríguez Cueto, Adolfo Camilo Díaz, Ignaciu Llope, Ismael González Arias, Taresa Lorences, Lluis Xabel Álvarez, Esther García, Cristina Muñiz o Xavier Frías Conde, entre otros.

La distinción consiste nuna obra del escultor y ceramista xixonés Jesus Castañón, que s’entregará mientres la cellebración de L’Arribada 2013, el viniente sábadu 28 de setiembre.

Miguel Rojo (Zarracín, Tinéu, 1957) escribe n’asturianu y n’español. Afáyase ente los más destacaos representantes de la lliteratura del Surdimientu y tien obra publicao en cuasi tolos xéneros. Ye autor de Histories d’un seductor. Memories d’un babayu , novela que llogró ún de los mayores éxitos de ventes de la lliteratura asturiana. Doctor en bioloxía, dedícase a la enseñanza como profesor d’institutu.

El 1988 consiguiera’l Premiu Xosefa Xovellanos de novela con Asina somos nós . El so llibru siguiente foi una colección de relatos titulada Tienes una tristura nos güeyos que me fai mal (1989). Tien escrito tamién lliteratura infantil y poesía.

Ún de los sos relatos llevóse al cine nel curtiumetraxe Xicu’l topeiru, de Gonzalo Tapia. En 2005 y 2008 algamó’l Premiu de la Crítica d’Asturies en Poesía y Lliteratura Infantil respectivamente, polos llibros LLaberintos y El viaje de Tin y Ton.

Los ganadores de este Premiu Timón en ediciones anteriores han sido Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009), Roberto González-Quevedo (2010), Vicente García Oliva (2011) y Antón García (2012). Junto con este premio para del Premio Timón, Luis Fernández Roces (2010), Juan Méjica (2011) y Fernando Menéndez (2012).

La Asociación Cultural L’Arribada fallará en próximos días también el IV Premio Timón para literatura en castellano y el I Premiu Timón de Cultura Asturiana.

Miguel Rojo. Bibliografía completa:

Obra n’asturianu

Narrativa

Asina somos nós. SPPA, 1989 (Premiu Xosefa Xovellanos); Tienes una tristura nos güeyos que me fai mal. Llibros del Pexe, 1989; Histories d’un seductor (memories d’un babayu). Trabe, 1993 (Premiu Narraciones Trabe); Prosa ya versu. Atenéu Obreru de Xixón,1999; Cuentos pa un turista blancu. Ámbitu, 2006; Dir pa escuela (coordinador). Ámbitu, 2008; La ponte y otros cuentos. Suburbia, 2009; Asina somos nós. Trabe, 2011 (2º Edición)

 Infantil

Telva y los osos. Trabe, 1994; Telva y el fueu. Trabe, 1998; ¿De qué tará fecha la Lluna?. Editorial Pintar-Pintar, 2008; El viaxe de Tin y Ton. Editorial Pintar-Pintar, 2008; Raitán, el papu coloráu. Editorial Trabe, 2010; El dinosauriu, el príncipe, la nena y la so ma. Editorial Pointar-Pintar, 2010

Poesía

Buscador d’estrel.las. Editora del Norte, 1996 (Premiu Fernán Coronas); Bilbao: estación terminal. Ambitu, 2001; Llaberintos. Trabe, 2006 (Premiu de la Crítica 2005); Territorios. Edición billingüe. Llibros del Pexe, 2007; El Paséu /El Paseo. (Edición bilingüe asturianu-español) Ediciones Seronda, 2011

Obra n’español

Narrativa

Historias del más acá. Trabe, 1999; Historias de un seductor (memorias de un gilipollas). Tal y Cual, 2002; La senda del cometa. Laria, 2007; La hoja del ginkgo biloba. Editorial Difácil, 2010

Infantil

Raitán, el petirrojo. Everest, 2003; ¿De qué estará echa la Luna?. Editorial Pintar-Pintar, 2008; El viaje de Tin y Ton. Editorial Pintar-Pintar, 2008 (Premio de la Crítica 2008); El dinosaurio, el príncipe, la niña y su mamá. Editorial Pintar-Pintar,2010

Poesía

Territorios. (Edición bilingüe asturianu-español). Llibros del Pexe, 2007; El Paséu /El Paseo. (Edición bilingüe asturianu-español) Ediciones Seronda, 2011

(25 de xunetu de 2013)