Xose Xuan González presenta ‘Hestories del mio conceyu’

Esti miércoles, 22 de febreru,  el dibuxante Xosé Xuan González García presenta nel salón de actos de la Casa de Cultura de Mieres del Camín, a les 19’30 hores,  el so nuevu trabayu titulaú Hestories del mío conceyu.  Un cómic de 56 páxines, con guión e ilustraciones del propiu autor.

La obra ta promovida pola propia Casa de Cultura “Teodoro Cuesta”, col so Serviciu de Normalización Llingüistica y patrocinada pol Ayuntamientu de Mieres y la Conseyería de Cultura y Deporte del Pdo. de Asturias.

Xosé Xuan González tien ya, pese a la so xuventú, una llarga trayectoria de premios en certámenes y concursos de toa España. De producción autodidacta, participa notres actividaes, como exposiciones, talleres didáuticos y proyeutos como ‘l qu’agora presenta. El milicianu, Ocho valles, Millagru na canga o  Nel Día de la Victoria” son delles de les obres publicaes d’esti autor nes qu’asoma’lso peculiar estilu realista y narrativu.

(21 de febrero de 2012)