XXVI Premiu de Poesía “Teodoro Cuesta” 2016

L’Ayuntamientu de Mieres, pente medies de la Casa de la Cultura “Teodoro Cuesta” convoca’l XXVI Premiu Teodoro Cuesta de Poesía 2016, coles siguientes bases:

PRIMERA. Van poder participar toles persones que lo deseen con un poemariu inéditu, orixinal y escritu en llingua asturiana.

SEGUNDA. De los poemarios entregaránse orixinal y cuatro copies. Podrá facese per corréu certificáu o entregándolu en mano en: Casa de Cultura “Teodoro Cuesta” (secretaría). Manuel Llaneza 8, 33600 Mieres del Camín.

TERCERA. Los poemarios dirán ensin firma, con alcuñu o lema y figurando’l so nome y les señes en sobre zarráu.

CUARTA. Concederáse un únicu premiu dotáu con 1.200 € (Mil doscientos euros), contemplándose promover la so publicación.

QUINTA. El xuráu podrá declarar desiertu’l premiu y el fallu será inapelable.

SEXTA. Los poemarios habrán entregase ente’l 1 d’ochobre y el 31 del mesmu mes.

SÉPTIMA. El fallu del xuráu daráse a conocer nel plazu d’un mes.

OCTAVA. El premiu entregaráse n’actu públicu que será comunicáu nel so momentu. Igualmente, l’autor comprométese a participar nel programa “Alcuentros col Autor”, del Club de Llectores del Atenéu de Turón, y a presentar el so llibru una vez publicáu na Casa de Cultura Teodoro Cuesta de Mieres del Camín.

NOVENA. Los trabayos non premiaos van poder recoyese na Secretaría de la Casa de Cultura dientro de los 30 díes siguientes al fallu del xuráu, n’horariu de mañana (8:00 a 15:00).

DÉCIMA. Presentase a este premiu supón tar d’alcuerdu coles sos bases.

INFORMACIÓN. Casa de Cultura Teodoro Cuesta Manuel Llaneza 8. 33600 Mieres Tfnu: 985 45 62 92 / 45 06 66 Facebook: Serviciu de Normalización www.ayto-mieres.es/cultura www.llingua.ayto-mieres.es E-mail: cultura@ayto-mieres.es llingua@ayto-mieres.es